Sinom lan Semarandana

Pupuh Sinom Idupe dadi manusa

Agetang tur ya apikin

Satmaka jan ngamunggahang

Manuncap swargane luwih

Mangden suwud sedih kingking

Manjakan kranjang uwug

Ne meobah ye stata

Becik hyang atma petitis

Entoduluh

Anggen nunggil ring hyang suksma

Atur pengaksaman titiang

Maring ida dane sami

Ping ajeng sang nangun yadnye

Rawuh titiang kadi mangkin

Ne kebawos seka santi

Ndaweg  pengampura agung

Rawuhe tanpa rarapan

Madak sweca Sanghyang Widhi

Mugilantur

Pemargin yadnyane benjang

Cening sami pianak bapa

Bapa banget miji cening

Baan kuat nanak menegak

Mangrungu tuture jati

Madak cening sihin widhi

Dadi anak dharma sadu

Wenang nguruk kepatutan

Wibhuh sisya srada bhakti

Sahi adung

Ngawe kerahajengan jagat

Kadi punika atur titiang

Purun ngaturang gurit

Lantaran anggen megadang

Daging nyane kawilangin

Dumadak side menampi

Anggen bekel jeroning kayun

Ne kebawos arimbawa

Uning ring sukat dumadi

Sane katur

Makudang-kudang gegitan

Buin bedik bapa nyatwayang

Satonden ceninge arip

Mugi cening tan ngobetang

Bapa ngawewehin malih

Pangegane ring Hyang Widhi

Mangden teleb cening nyungsung

Jalanke jani kawitang

Pikeneh sang ngugu widhi

Dadi gugu

Kenken kapineh di manah

Sang nyidayang ngeret indriya

Branti ento minekadi

Kocap ngardi panjang yusa

Tur ngentikang budhi ening

Dewa butha sami asih

Nyama braya pada lulut

Aluh teka asih aluh

Ne ketil menadi elah

Keto tuhu

Sang nyidayang ngeret indriya

Mirib cening sube pedas

Agame  akeh nyungkemin

Nasrani Islam lan Budha

Kong hutsu Hindu minekadi

Sami ngega ring Hyang Widhi

Wastannya beda kawuwus

Nging ne kapti wantah tunggal

Mangden landuh jroning urip

Tur kepungkur

Sida nunggil ring Hyang Titah.

Jenek ring meru sarira

Kastitiyang maha suci

Mapuspa padma redaya

Magenta swaraning sepi

Meganda ya tisning budhi

Melepana sila hayu

Mewija menget prakase

Kukusing sad ripu dagdi

Dupan ipun

Medipe hidepe galang

Kocapang ring Siwaloka

Ida Sanghyang Giri Putri

Ledang kayune mirengang

Waanida Prajapti

Irika raris menangkil

Praya manunas pawuwus

Jroning pacang mangelarang

Brata Siwaratri luwih

Inggih ratu

Titiang meled sahuninga

Ne mangkin titiang nunasang

Kenak ugi ngewarahin

Jroning pacang nglaksanayang

Brata Siwaratri luwih

Manut pawarahe nguni

Diastu sakeng nora cumpu

Majagra kalaning mogha

Nyedek wengi cadurdasi

Kresna iku

Pikolihe mahottama.

Pupuh Semarandana

Uduh Semaranda cening
Inanak bahu prapta
Melinggih cening lautan
Sangkan bapa mamesenang
Gumanti ajak masatwa
Balin cening nunas tutur
Dewi lan asuri sampat
Inggih ratu Sang Maha Rsi
Durusang wecanin titiang
Daging titiang mangiringang
Sabuh wacanan Sang tapa
Mangda ibeli Sisiawan
Rasa mamirengang tutur
Daging tutur ne utama

Uduh Sang Sisiawan cening
Melahang nanak mirengang
Bapa ngawit menyatwayang
Manut pitaken idewa
Malih bapa midartayang
Apang de ngawinang bingung
Penampine mangda tan iwang